“Mos harroni kurrë se edhe nëse shkoni te eksperti më i njohur në vend, korigjimi i belbëzimit është një projekt që pjesën më të madhe duhet bërë vetë. Belbëzimi është problem i juaj. Eksperti mund t’ju tregoj se çfarë duhet bërë dhe si duhet bërë, por ju jeni ai që duhet ta bëjë atë. Ju jeni personi i vetëm në botë që mund ta korigjoni belbëzimin tuaj.”
HAROLD B. STARBUCK, Ph.D.
“Parimisht ekzistojnë dy veti kryesore të sjelljes që mund t’i ndryshoj personi që belbëzon. Njëra është vetë sjellja e të folurit dhe tjetra është qëndrimi i tij ndaj të folurit dhe veçanërisht ndaj belbëzimit. Këto dy aspekte janë të lidhura mes vete: njëra prej mënyrave është ndryshimi i qëndrimit duke i ndihmuar personit që belbëzon për të përjetuar mundësinë e modifikimit të të folurit të tij, dhe mënyra tjetër ndryshimi i të folurit përmes reduktimit të frikës e cila e shoqëron një mënyrë tjetër të të menduarit lidhur me problemin.”
HUGO H. GREGORY, Ph.D.
“Disa persona që belbëzojnë kanë vështirësi gjatë leximit me zë; të tjerët jo. Disa mund të flasin mirë kur janë të prani të autoriteteve; disa tregojnë vështirësitë e tyre më të mëdha në këto raste. Disa mund të përdorin telefonin pa pengesë; të tjerët frustrohet tërësisht në këtë situatë. Të folurit me anëtarët e gjinisë së kundërt shkakton vështirësi të mëdha te një person por rezulton në rrjedhshmëri te një tjetër. Disa flasin mirë në shtëpi por jo në ambiente tjera; kurse me të tjerët situata është plotësisht e kundërt.”
MERLE ANSBERRY, Ph.D.
“Problemi më i madh gjatë trajtimit të belbëzimit është se si të kurajohet personi që belbëzon të qëndroj dhe të vazhdoj me kursin e tretmanit.”
DOMINICK A. BARBARA, Ph.D.
“Personi që belbëzon përpiqet të sforcoj artikulimin e fjalëve të tij dhe tani të folurit bëhet më shumë proces muskular se sa proces mental.”
S. BLUEMEL, M.D.
“Unë e kam përmirësuar të folurit tim vetë. Të tjerët më kanë ndihmuar duke më dhënë informata, duke më dhënë përkrahje emocionale, etj, por puna më e vështirë e terapisë është, dhe gjithmonë ka qenë, përgjegjësia ime.”
RICHARD M. BOEHMLER, Ph.D.
“Fakti se ju be
lbëzoni nuk do të thotë se ju jeni biologjikisht inferior ose jeni më neurotik se sa personat tjerë.”
JOSEPH G. SHEEHAN, Ph.D.
“Nuk ka asgjë gabim brenda trupit tuaj që do t’ju ndalonte nga të folurit. Ju keni mundësi që të flisni normalisht.”
DEAN WILLIAMS, Ph.D
“Një p
arakusht i dobishëm për një terapi të suksesshme është bindja e thellë e brendshme e personit që belbëzon në menaxhimin e çrregullimit të tij, e kombinuar me një shpirt luftarak dhe një gadishmëri për t’iu nënshtruar vuajtjeve dhe humbjeve nëse është e nevojshme – humbja e shpresës, pesimizmi dhe pasiviteti janë armiqët më të tmerrshëm të vetë-përmirësimit.”
HENRY FREUND, M.D.
“Personi që belbëzon duhet të mposht vetë problemet e tij. Askush nuk mund ta bëj këtë për të.”
CHARLES VAN RIPER, Ph.D.
