Aktivitete – Shoqata Kosovare për Belbëzim

Kongresi IFA 2015 – Lisbonë

By shkb | June 30, 2015

Nga data 4 korrik deri më 10 korrik 2015 do të mbahet Kongresi i 8-të Botëror lidhur me çrregullimet në rrjedhshmëri që organizohet nga IFA (International Fluency Association). Kongresi do të mbahet në Lisbonë – Portugali.

Në kongres do te marrin pjesë edhe Shoqata Kosovare për Belbezim dhe Shoqata e Logopedëve të Kosovës, të perfaqësuar nga kryetarët e tyre.

Shpenzimet e regjistrimit në kongres janë mbuluar nga Ministria e Shendetësise e Republikës së Kosovës, të cilën e falenderojmë për ndihmën e tyre, kurse per shpenzimet tjera te udhëtimit dhe akomodimit nuk kemi hasur perkrahje nga donatoret tjerë.

Në kongres do të ketë tema te ndryshme, që shpresojme se do të jenë me rendësi për përmiresimin e jetës sociale dhe akademike të personave që belbezojnë:

– Si të punojmë me femijët parashkollor;

– Aftesitë themelore në punën me femijët shkollorë që kanë çrregullim te rrjedhshmërisë;

– Menaxhimi i belbëzimit te adoleshentët dhe te të rriturit;

– Perspektiva botërore në qasjen publike dhe profesionale lidhur me çrregullimet e rrjedhshmerisë;

– Çfarë mund të na tregojne imazhet e trurit lidhur me çrregullimet e rrjedhshmërisë?

– Belbëzimi: integrimi i informatave nga sjellja e belbëzimit, hulumtimet e trurit dhe perceptimi i personave që belbëzojnë;

– Metodat praktike për menaxhimin e anksiozitetit te të rriturit që belbëzojnë.

Per secilën temë, do të pergadisim artikuj nga vendi i ngjarjes të cilët do të publikohen në webfaqen tonë www.belbezimi.org dhe ne rrjetet sociale Facebook dhe Twitter të shoqatës.

SFA Summer 2015 Newsletter

By shkb | May 2, 2015

Në fletën e parë të edicionit veror të gazetës nga The Stuttering Foundation of America është shkruar një artikull për aktivitetet e Shoqatës Kosovare për Belbëzim lidhur me përkthimet e librave dhe broshurave në gjuhën shqipe.

Gazeta mund të shkarkohet në këtë link.

Projekti i hulumtimit në shkollat e komunës së Prishtinës

By shkb | May 1, 2015

Shoqata Kosovare për Belbëzim me pëlqimin nga Drejtoria e Arsimit e Komunës së Prishtinës ka përfunduar me fazën e parë të projektit për evidentimin e nxënësve me çrregullim të rrjedhshmërisë (belbëzim) në shkollat e komunës së Prishtinës.

Hulumtimi është kryer në 42 shkolla fillore dhe 13 shkolla të mesme të komunës së Prishtinës, dhe rezultatet e këtij hulumitimi janë të njohura për Shoqatën Kosovare për Belbëzim dhe Drejtorinë e Arsimit të Komunës së Prishtinës. Këto të dhëna janë konfidenciale dhe pas verifikimit në të gjitha shkollat, do të dalim me rezultate dhe përqindje sipas gjinisë dhe nivelit të klasës.

Në realizimin e këtij projekti janë kyqur edhe ekspertë të njohur nga lëmia e logopedisë, të cilët me përvojën e tyre të fituar në vende tjera kanë kontribuar në implementimin e suksesshëm të këtij projekti.

Gjithashtu falenderojmë Drejtorinë e Arsimit të Komunës së Prishtinës dhe të gjithë drejtorët dhe mësimdhënësit e shkollave fillore dhe të mesme të komunës së Prishtinës për bashkëpunimin dhe përkrahjen e tyre.

Në fazën e dytë të këtij projekti, do të kontaktohen të gjithë mësimdhënësit që kanë nxënës me çrregullim të rrjedhshmërisë (belbëzim) dhe përmes prezantimit të video-materialeve, doracakëve, librave, këshillave dhe bashkëbisedimit do të shpjegojmë se si munden mësimdhënësit të integrojnë një fëmijë me jorrjedhshmëri në klasën e tyre dhe si t’ia mundësojnë atyre të arrijnë rezultate më të mira në shkollë.

Ky projekt është shumë me rëndësi edhe për fëmijët me çrregullim të rrjedhshmërisë dhe prindërit e tyre, pasi shkolla është një hapësirë në të cilën përveq mësimit akademik, fëmijët mësojnë të bashkëjetojnë me të tjerët dhe të socializohen. Së bashku me familjen, shkolla është vendi i dytë që mund t’i jap fëmijëve më shumë mbështetje dhe integrim.

Projekti në të ardhmen do të vazhdojë edhe nëpër shkollat e komunave tjera të Republikës së Kosovës, në mënyrë që ndihma jonë të jetë sa më afër të gjithë nxënësve me çrregullim të rrjedhshmërisë, prindërve dhe mësimdhënësve të tyre.

Category: Aktivitete